Büdcələşdirmə və maliyyə modelləşdirilməsi qrupu rəhbəri

Vakansiya haqqında

Biznesin strateji hədəflərinə uyğun büdcələşdirmə, maliyyə modelləşdirilməsi və maliyyə planlaşdırılması proseslərinə rəhbərlik edəcək, maliyyə təhlilləri və proqnozlar vasitəsilə qərarvermə prosesini dəstəkləyəcək, eyni zamanda komandanın inkişafını və effektiv fəaliyyətini təmin edəcək Büdcələşdirmə və Maliyyə Modelləşdirilməsi üzrə Qrup Rəhbəri axtarırıq.

Vəzifə öhdəlikləri

Şirkət və struktur bölmələr üzrə illik büdcələrin hazırlanması və təkmilləşdirilməsi prosesinə rəhbərlik etmək;
Büdcələşdirmə prosesini koordinasiya etmək, struktur bölmələrə effektiv əməkdaşlığı təmin etmək və məlumatların vaxtında təqdim olunmasına nəzarət etmək;
Biznes planlaşdırması, investisiya layihələri və məhsul gəlirliliyinin qiymətləndirilməsi üçün maliyyə modellərinin hazırlanmasına və inkişafına rəhbərlik etmək;
Aylıq və rüblük maliyyə proqnozlarının, performans hesabatlarının və analitik təhlillərin hazırlanmasını təşkil etmək və nəticələri rəhbərliyə təqdim etmək;
Büdcə-fakt müqayisələrini, maliyyə göstəricilərinin təhlilini və əsas kənarlaşmaların araşdırılmasını təmin etmək;
Büdcə, proqnozlaşdırma və maliyyə modelləşdirilməsi proseslərində istifadə olunan metodologiyaların, alətlərin və hesabatlılıq formatlarının təkmilləşdirilməsinə rəhbərlik etmək;
Komanda üzvlərinin fəaliyyətini idarə etmək, onların peşəkar inkişafını dəstəkləmək və şöbənin hədəflərinə nail olunmasını təmin etmək.

Tələblər

Maliyyə, iqtisadiyyat, mühasibatlıq və ya əlaqəli sahə üzrə ali təhsil;
Büdcələşdirmə, maliyyə modelləşdirilməsi, maliyyə təhlili və ya biznes planlaşdırılması sahəsində minimum 5 il iş təcrübəsi;
Komanda idarəetməsi və ya funksional koordinasiya üzrə 1-2 il iş təcrübəsi;
Bank və FinTech sektorunda iş təcrübəsi üstünlükdür;
Büdcələşdirmə, proqnozlaşdırma, maliyyə modelləşdirilməsi və idarəetmə hesabatlılığı üzrə dərin biliklər;
Analitik düşünmə, qərarvermə, planlaşdırma və problem həll etmə bacarıqları;
MS Excel və PowerPoint proqramlarından yüksək səviyyədə istifadə bacarığı;
ERP, Power BI, SQL və digər büdcə planlaşdırma sistemləri və analitik alətlər üzrə biliklər üstünlükdür;
Liderlik, təqdimat, ünsiyyət və maraqlı tərəflərlə effektiv əməkdaşlıq bacarıqları;
ACCA, CIMA, CFA, FMVA və ya digər müvafiq sertifikatlar üstünlükdür.